無論係公司Annual Dinner、Team Building、學校O Camp、朋友生日Party定係屋企Gathering，都需要一啲好笑破冰遊戲去炒熱氣氛、拉近距離！
Catering Mama 到會媽媽精選10款好笑破冰遊戲，簡單易玩又充滿笑料，大部份都唔使複雜道具即可令全場笑聲不絕，打造一個High爆嘅活動！
目錄
好笑破冰遊戲｜1. 兩真一假
呢個遊戲超啱一班未熟透嘅朋友或同事玩！分享嘅故事可以變成話題（例如「你喺大嶼山點樣玩滑翔傘呀？」）。
幫大家喺短時間內熟落同了解對方，特別適合公司Team Building或學校破冰活動。
人數：3人或以上
時間：每人2-3分鐘
玩法：
- 每人講出關於自己嘅兩個真事實同一個假故事。
- 事實越誇張（例如「我喺大嶼山試過滑翔傘」），假故事越似真（例如「我屋企養咗三隻貓」），遊戲就越好玩！
- 每人分享完三件事後，其他人投票揀出佢哋覺得係假嘅嗰個。
搞Party除咗有好笑破冰遊戲炒熱氣氛，點少得美味嘅派對美食！
Catering Mama 到會媽媽由擁有超過10年在5星級酒店餐廳工作經驗的資深大廚主理，為賓客提供高性價比的多國到會菜餚！
到會媽媽在 Google 獲得超過 4.5 星的高評分，提供多款特色散叫到會 散叫菜式及自由搭配 套餐，更有 小食拼盤、 沙律冷盤選擇，訂購滿指定金額即可享全港各區送貨服務。
立刻到 Catering Mama 瀏覽到會菜單。
好笑破冰遊戲｜2. 背對背畫圖
呢個遊戲係Team Building或朋友聚會嘅好笑破冰遊戲好選擇！
人數：4人或以上
時間：5-10分鐘
玩法：
- 將參加者分成兩人一組，背對背坐好。
- 一人拎支筆同紙，另一人睇一張簡單嘅圖片（例如港式茶餐廳菠蘿油、維港帆船、雙層巴士）。
- 睇圖嘅人要用言語描述圖片嘅形狀、大小同質感（例如「有啲圓形嘅東西，上面有格仔紋」），但唔可以直接講係咩（例如「唔可以話係菠蘿油」）。
- 畫完後同原圖比較，睇吓畫得有幾似！
好笑破冰遊戲｜3. 抽紙幣講故事
透過分享回憶（例如「嗰年仲有九巴舊款熱狗巴士」），大家可以輕鬆熟絡，幫大家更了解對方嘅人生故事！
人數：5人或以上
時間：每人2-3分鐘
玩法：
- 準備一個裝滿$20紙幣嘅盒，$20紙幣年份唔可以早過團體中最年輕嘅人嘅出生年份。
- 每人從盒抽一張紙幣，然後分享一個同嗰個年份有關嘅故事或回憶，例如「嗰年我第一次喺旺角通宵唱K」或「嗰年我考DSE緊張到瞓唔著」。可以係搞笑、感人或重要嘅人生時刻。
好笑破冰遊戲｜4. 收買佬
呢個遊戲喺Team Building同小朋友Party都係熱門之選！佢考驗團體合作同反應速度，仲能喺搵物品嘅混亂之中製造笑料。
人數：8人或以上
時間：5-10分鐘
玩法：
- 參加者分成兩組（人多可以分3組或4組）
- 圍圈坐好，每組旁邊放一張椅子。
- 主持人喊出要收集嘅物品（例如「2個紅色化妝袋」、「3隻39號鞋」）
- 每組要喺最短時間搵到指定物品放喺自己組嘅椅子上。
- 收集得最快同最齊嘅隊伍勝出！
好笑破冰遊戲｜5. 拍7
人數：5人或以上
時間：5-10分鐘
玩法：
- 參加者圍圈坐或企，遇到7或7嘅倍數（例如7、14、21）就要拍手或做指定動作
- 講錯數字或忘記動作嘅人要接受搞笑懲罰
- 想加難度？可以由200倒數或加入更多港式動作！
延伸閱讀：派對遊戲Party Game推介｜10大簡單好玩多人遊戲！朋友家庭聚會/情侶都適用
好笑破冰遊戲｜6. 超級無敵大電視
呢個遊戲係香港綜藝節目《獎門人》嘅經典環節，無論大人小朋友都睇過或聽過！
人數：8人或以上
時間：5-10分鐘
玩法：
- 參加者分成兩隊，每隊派一人負責估詞語
- 其他隊友輪流用動作或口述（唔可以講答案內嘅任何字）畀提示。
- 限時內估中最多詞語嘅隊勝出。
好笑破冰遊戲｜7. 記Menu
呢個遊戲考記憶力同專注力，隨住Menu越加越長，參加者越有機會出錯！
人數：5人或以上
時間：5-10分鐘
玩法：
- 參加者圍圈坐或企，第1人講「今日我食咗3個叉燒包」，第2人要重複前者嘅Menu並加新菜，例如「今日我食咗3個叉燒包同10碟乾炒牛河」。
- 每人輪流重複之前嘅所有Menu，並加一道新菜
- 最先忘記或講錯Menu嘅人輸，需接受搞笑懲罰。
好笑破冰遊戲｜8. 非洲話事啤
呢個簡單又易上手嘅啤牌遊戲，喺一班朋友開Party或公司Team Building都係熱門之選！
人數：4-10人
時間：5-10分鐘道具：啤牌一副
玩法：
- 每人拎一張啤牌貼喺額頭（自己唔睇得），其他人可以見到你嘅牌。
- 開始前，大家一齊討論輸家嘅懲罰
- 然後討論勝負條件（例如最小牌輸，葵扇A最大，階磚2最細；或黑牌輸、單數牌輸）。
- 揭牌後，輸家要接受懲罰。
好笑破冰遊戲｜9. 唔係吖，咁容易
呢個遊戲節奏快、考反應，喺公司Team Building、學校O Camp或朋友Party玩，保證全場笑到轆地！
人數：6人或以上
時間：5-10分鐘
玩法：
- 參加者分成兩組，每組圍圈坐或企。
- 第1組派一位成員開始，跟住節奏講口訣並拍手，例如：「唔係吖（拍大脾），咁容易（雙拍手），陳小明（自己名，左手拍），李小玲（對方組某人名，右手拍）」。
- 被點名嘅李小玲要即刻回應，講同樣口訣，但用自己名同點名對方組另一人（例如「唔係吖，咁容易，李小玲，張大偉」）。
- 如此輪流，講錯、拍錯節奏或接唔上嘅組輸，輸家接受懲罰。
好笑破冰遊戲｜10. 我愛你，唔知醜
人數：6人或以上
時間：5-10分鐘
玩法：
- 參加者圍圈坐好，由一人開始，向左邊嘅人講「我愛你」。
- 接著，嗰位要向自己左邊嘅人繼續講「我愛你」，如此傳落去。
- 輪到你時，可以選擇繼續向左邊講「我愛你」，或者突然向右邊講「唔知醜」。
- 講錯、反應慢或笑場嘅人要接受懲罰。
搞Party除咗有好笑破冰遊戲炒熱氣氛，點少得美味嘅派對美食！
Catering Mama 到會媽媽由擁有超過10年在5星級酒店餐廳工作經驗的資深大廚主理，為賓客提供高性價比的多國到會菜餚！
到會媽媽在 Google 獲得超過 4.5 星的高評分，提供多款特色散叫到會 散叫菜式及自由搭配 套餐，更有 小食拼盤、 沙律冷盤選擇，訂購滿指定金額即可享全港各區送貨服務。
立刻到 Catering Mama 瀏覽到會菜單。
地區Party Room推介：旺角Party Room｜觀塘Party Room｜荃灣 Party Room ｜荔枝角Party Room｜屯門Party Room
